شوفت حالنا بعد ما رضينا
إن ننسي دينا وادينا اتنسينا
بقا اي حد يهين نبينا
ويجرح فيه قدام عنينا
وإحنا عارفين وشايفين
طب فين هما المسلمين
فين اللي قالوا وراك يا آمين
والا زمنهم راح خلاص
إندفن وإندفن معاه الاخلاص
إفنكروا ماضيكم
وصحابه نبيكم
لازم يجسدوا فيكم
لازم تكون إيديكم
دايما في ايد بعضيكم
غمضوا كده عنيكم
شايفين مين قاعدين
ده رسولنا وحواليه كل الصالحين
يا خساره بس زعلانين
أكيد من كلام الكافرين
اللي هانوا رسولنا من غير ميعرفوا هو مين
إنسان إتحمل كتير
وكان لهمومه اسير
ولكن امله في ربه كبير
ساب وطنه وإتغرب بعيد عن اهله
راح الطايف وكان الطوب أجره
أسي في الغار هو وصاحبه
واستشهد الحمزه عمه وخديجه سابته لوحده
يا عيني عام الحزن كان همه لوحده
ورغم ان ربه كان غافر له كل زنبه
إلا انه كان دايما يدعي ربه
إنه يغفر له ويفضل جنبه
ويوم وداعه كان همه
إنه يختم رسالته
والصديق صاحبه
عرف انه ده يوم فراق حبيب قلبه
عرفتم كنتم بتهينوا مين عفوك يا رسول العالمين
ولو ضلينا نتكلم سنين
في سيره إمام العالمين
راح نتوه في كرمه وسماحته
ما هو سيد وإمام المرسلين
يا رب رجع عزتنا بالاسلام مرة ثانية