يقولوا هالزمن ظالم وأثاري هالزمن مظلوم ويجري الظلم في دمنا .. ويجري العدل بالأزمان ظلمنا الحس والإحساس وأثاري هالبشر أجناس تشكل كل يوم شكل تبدل كل يوم بحال قتلنا الطيب والشيمة قتلنا العدل والنخوة وإذا فقنا نقول هالزمن ظالم يقتل جارنا .. جاره يفضح ستره .. وعاره بظلمه وقلة الإحساس ولكن هالبشر أجناس قتلنا الدين والإيمان وكل شيء عند قد هان إذا هد المرض جسمك تدعي الله يا غفار يا رحمن أبي عدلك تزحزح عني الأمراض ومن بكره أنا صائم أنا مصلي ويجلي الله من همك ومن بكره لا صائم ولا مصلي في لسانك تقول الشر وتخفي الخير شتيمة في هاذ غيبة في ذاك تسب الغير قتلنا الحس والإ حساس وأثاري هالبشر اجناس ****** نسينا الصدق والإخلاص لأجل نوصل لمأربنا يكون الكذب هو المقياس وصار الكذب هو الإحساس نسينا الصدق من أزمان تلونا بكل ألوان ****** قتلنا الحس والإحساس وأثاري هالبشر أجناس نسينا كل مبادئنا نسينا وين ما كنا .. وصرنا وين يا حنا إذا أنت نصحت أخوك يقلك وش دخلك يا خي تقله ذا طريق الشوك وبأشيلك من الشمس للغي يشير بيده إلى رأسه يقلك حر وعندي مالك شيء وأثاري هالبشر أجناس نبيع الأب بريالين وتزيد الأم على البيعة يا شاري عندنا الإحساس هات ريال ولك أمي مع أبوية وكل الناس ******* تطورنا .. تحضرنا .. وصرنا في عالم آخر وحتى صغيرنا تطور وشتمه للكبير جائز وإذا قلنا عيب .. عيب يقول مالكم صالح أنا أهلي ربوني على الفالح وإذا عود لبيت أهله أكيد يصير هو الفائز وفي الآخر يقولوا الظلم في الأزمان لا والله أكيد الظلم فينا حنا ******* تبدلنا .. تغيرنا وقلدنا بعنا الدين والدنيا بعنا الأم وأبونا بعنا الجار وأخونا واكيد الإبن ضاع منا يا سائلني عن الظالم .. صحيح هالزمن ظالم أجاوبكم بنبرة حزن لا والله ما عمره ظلم واحد أكيد الظلم في عروقنا يؤنس فينا وحدتنا وصار هو سلوتنا وصار هو غايتنا ******** ظلمنا الظلم والإحساس وصار الغدر هو المقياس زرعنا الآه في كل الناس ظلمنا حتى نفسنا ولا تعبنا .. ولا تبنا ولكن عدل رب الكون ما ينقاس ويجري الظلم في دمنا ويجري العدل بالأزمان وباكررها وأعيد وأقول أثاري هالزمن مظلوم وأثاري الظلم في كل الناس واثاري هالبشر أجناس
الثلاثاء أبريل 01, 2008 2:03 pm
