قصيدة مهدات الى (أ)

مرت سنين يابوي من وقت فرقاك
وقلبي الى هاليوم شمسه عتيمه
مرت سنين فرقا وحسك وطرياك
متوسد باوراق حزني القديمه
مرت سنين وانا اتخضب بذكراك
بدموعي اللي في عيوني مقيمه
من عجلت في رحله الشوك ممشاك
وانا حياتي ما لها اي قيمه
البارحه في غفله الليل اطراك
قلبي ونادت آهتين فصيمه
ومرت بعيني صورة ايام دنياك
واوقات كانت في حياتي عظيمه
ياما عطيت الناس من خير مااعطاك
ويا ما مسحت دموع ثكلي كليمه
وياما يمينك سابقت خير يسراك
حتى يدينك شبهوها بغيمه
يابوي بنتك دربها صار اشواك
ومعاد تمطر فارضها اي ديمه
واللي خبرته يحسب حساب يمناك
واشد ظهري فيه عند العزيمه
ما مداك بس الفراك يابوي ممداك
الا وجا يهدي لعمري الهزيمه
وما بين غبنه ذاك وجروح هذاك
وفراق كلي منه روحي سقيمه
وهذا انا يابوي من بعد فرقاك
تذكار كنت وصار اسمي حزينة

وربي يخليهم لنا يـــاارب و يعين اللي فقدهم

تحيتي لكم مع اطيب الامــــاني:

شكرا جزيلا يا ابو مصطفى على القصيدة التي هيجت الجروح والله بكيت بقرائتها راااااااااااااااااااائعه وتتكلم عن ما في قلبي سلمت يدااااك يعجز لساني عن الشكر