من شفتك حبيبي

**من شفتك حبيبي العين بالعين دمعتي ودمعتك نزل سوية**

**رجف كلبي عليك ووكف لحظات واحس وفتني ساعتهة المنية**

**اذا حبك اذية تعذب الروح صدك اني راضي بهالاذية**

**انا اشتاكيت ماظل صبر بية واجيك اليوم مو باجر الجية**

**اجيلك ركض ووصل كبل الاجدام واذا تعبن اجدامي امشي اعله ادية**

**واذا حنيت الي وذاك الخلك بيك احس بدنيتي ضاكت علية**

**واذا بيناتنة ابعيدة المسافات على النسمات توصلني الوصية**

**حبيبي ولوردت وصي الهوى الهاب اشم بيه ريحتك من يمر بية**

**واذا وحشة عليك اصير باليل عليه الوحشة تبدي من المسية**

**واذا دمعك علي ينزل بالاخدود عليك عيونيي معميه **