صدگ شلال بنهر صدرك يسيل؟؟

[[size=18]center]صدگ شلال بنهر صدرك يسيل؟؟[/center][/size]

تضحك أنت وروحي طلعت لاتخاف
روحي أخذهه وفوت بيهه بفالك...

وصرت كتّالي وصرح باچر تصير
وانه دم صرح الجفن كتّالك...

آنه غنّالي الجرح بس أنطفيت
وإنت ضاوي وچم گمر غنّالك...

والله شل حالي الوكت مابيه روح
وإنت خصرك ياترف شل حالك..

وانه مدري شمالني شو راضي بيك !!
وانت ماترضاش مدري شمالك!

انه حبك شالني وذبني بهواك
وانت فنّه الهوه يحرك شالك...

مره عوف المستحه وخليني اشوف
الخلق شفتك ياطعم خلالك؟؟!!

يبو خدود المستحه يبيّن عليك
تخجل ويكسر خواطر حالك..

حبال شعرك ذلت آلاف الرگاب
وآنه خذني الواهس اعله حبالك...

ولاتصد بيه دوم نقّالك يذوب
رطب راوي ويوگع عله سلالك..

ولاتگلي أحترگ نقالك شجاه؟!
نار وجهك وأحترگ نقالك..

كافي ماتشبع دمع دضحك شجاك؟!
آنه ميت والگلب ينعالك....

شوفهه جروحي دخيلك لاتروح
ذوله كلهم عايشين بجالك..

صدگ شلال بنهر صدرك يسيل؟؟!
وصدگ شط العسل يروي جبالك؟؟

انه عطشان وحدر زيجك محيط !!
فكلي دگمه أرد اغرگ بشلالك
فكلي دگمه أرد اغرگ بشلالك

شكرا على الموضوع البديع

شكرا موضوع كلش حلو